Defnyddir BSL Yma BSL Used Here

Tân eithin ar ochr mynydd ger Llangollen

Postiwyd

Mae Gwasanaeth Tân ac Achub Gogledd Cymru wedi bod yn delio gyda thân ar fynydd Llangollen dros nos.

 

Cafodd tri cherbyd tân o Langollen, Y Waun a Johnstown eu hanfon i’r digwyddiad am 21.58 o’r gloch neithiwr (Dydd Gwener 22 Chwefror), gyda dau griw o Wrecsam a Chorwen yn cyrraedd i ryddhau yn ystod oriau mân y bore.

 

Mae un cerbyd yn parhau i fod ar safle’r digwyddiad tra fod y tân yn cael ei fonitro ac yn llosgi allan o dan wyliadwriaeth.

 

Mae’r tân wedi effeithio ar ardal o eithin a rhedyn sy’n ymestyn i tua 50,000 metr sgwâr.

 

Dywedodd y Prif Swyddog Tân Cynorthwyol Richard Fairhead:  "Rwy'n annog pobl i feddwl o ddifrif am ganlyniadau tanau eithin.

 

"Fel y gwelwyd yn y gorffennol, mae'r fath danau roi pwysau aruthrol ar adnoddau, gyda’n criwiau yn cael eu hymrwymo am gyfnodau hir i geisio dod â’r tanau dan reolaeth, sydd yn ei dro yn achosi oedi pan fydd angen i ddiffoddwyr tân fynychu achosion sy’n bygwth mewn mannau eraill.

 

“Ni fyddwn yn goddef tanau mynydd a gwair o’r fath - nid yn unig oherwydd eu bod yn arwain at ddinistrio mynyddoedd a bywyd gwyllt, ond am eu bod hefyd yn rhoi bywydau mewn perygl tra fod criwiau yn delio gyda thanau wedi eu cychwyn yn ddiangen. 

 

"Rwy'n annog aelodau'r cyhoedd i ddod ymlaen os oes ganddynt unrhyw wybodaeth ynglŷn â sut y dechreuodd y tân neu os oeddent yn dyst i unrhyw weithgarwch amheus sy’n gysylltiedig â’r digwyddiad.

 

"Mae tanau sy'n cynnwys glaswellt, eithin a rhedyn yn gallu datblygu’n gyflym iawn, yn enwedig mewn amodau sych gyda gwyntoedd uchel, a gall tanau fynd allan o reolaeth yn fuan a lledaenu i eiddo neu goedwigaeth cyfagos.

 

“Felly os ydych chi o gwmpas y lle, gwnewch yn siŵr fod unrhyw ddeunyddiau ysmygu yn cael eu taflu a’u diffodd yn iawn a bod unrhyw danau gwersylla neu farbeciws yn cael eu rhoi i ffwrdd yn llwyr.

 

“Byddem hefyd yn gofyn i bobl gadw ymhell oddi wrth yr ardal sydd wedi’i heffeithio er mwyn caniatáu i ymladdwyr tân fonitro’r tân, ac ar gyfer eu diogelwch eu hunain.”

 

Anogir unrhyw un sydd â gwybodaeth ynghylch y tân hwn i gysylltu â Heddlu Gogledd Cymru ar 101 neu ffonio Crimestoppers yn ddienw ar 0800 555111.

Twitter Facebook YouTube Instagram

Diolch am rannu'ch cyfeiriad ebost

Byddwn yn darparu'r wybodaeth addas i chi maes o law

Wedi gorffen

Diolch am eich cais

Wedi gorffen