Y Newyddion Diweddaraf

Y Ffenics yn hyrwyddo profiad gwaith

Dyddiad: 12/7/2010 15:00

Cafodd pobl ifanc o Wrecsam, Sir y Fflint a Sir Ddinbych gyfle i dreulio pum niwrnod fel diffoddwyr tân yng Ngorsaf Dân Y Fflint yr wythnos diwethaf, fel rhan o gynllun cwrs Y Ffenics Gwasanaeth Tân ac Achub Gogledd Cymru.

Mae'r deuddeg disgybl, a oedd ar brofiad gwaith ac yn 15 mlwydd oed, yn awyddus i ymuno â Gwasanaeth Tân ac Achub Gogledd Cymru ac roeddent yn awchu i gael cymryd rhan mewn ymarferion.

Bwriad yr wythnos oedd rhai blas i'r disgyblion ar y math o waith y mae diffoddwyr tân yn ei wneud. Roedd hyn yn cynnwys sesiynau corfforol ac ysgrifenedig; cymryd rhan mewn sesiynau ymarfer ac ymarferion ysgol, trin offer diffodd tân yn ogystal â gwybodaeth dechnegol yn y dosbarth.

Uchafbwynt yr wythnos oedd gorymdaith i ddathlu llwyddiant a drefnwyd ar gyfer y disgyblion yng Ngorsaf Dân Y Fflint nos Wener ddiwethaf (9fed Gorffennaf). Cyflwynodd Y Prif Swyddog Tân, Simon Smith, dystysgrifau i'r disgyblion yng nghwmni cynrychiolwyr o'u hysgolion, teuluoedd a ffrindiau.

Dywedodd Simon Smith, Prif Swyddog Tân Gwasanaeth Tân ac Achub Gogledd Cymru: " Rwyf yn falch ein bod yn rhoi'r cyfle i bobl ifanc Gogledd Cymru ddysgu am yr y mae gyrfa gyda'r Gwasanaeth Tân yn ei olygu.
"Mae wastad yn galonogol gweld ieuenctid yn gweithio yn galed ac yn cael profiadau newydd."