Yn y gweithle

Yn 2003, roedd 3,401 o danau mewn adeiladau diwydiannol a achosodd 3 o farwolaethau a 153 o anafiadau eraill. Hefyd, mae tân yn costio'n ddrud. Ar gyfartaledd, mae pob tân mewn adeilad diwydiannol/masnachol yn costio oddeutu £60,100.

Mae gan bob cyflogwr gyfrifoldeb i sicrhau diogelwch gweithwyr ac ymwelwyr rhag effaith tân yn ystod oriau gwaith ac mewn lleoedd gwaith.

Rhaid i chi ystyried y materion canlynol a rhoi sylw iddynt:
A ydych chi wedi asesu risg tân? Bydd tân yn digwydd pan fydd fflam neu arwyneb poeth yn dod i gysylltiad â deunydd y gellir ei losgi. Mae rheoli'r naill neu'r llall o'r elfennau hyn yn gostwng risg tân yn sylweddol.

  • A ydych chi'n gweithredu polisi cadw tŷ/storio da? Mae'r rhan fwyaf o wastraff sydd wedi ei brosesu a sbwriel cyffredinol yn gallu cynnau'n hawdd, a gall nwyddau sydd wedi eu storio'n wael helpu i ledaenu tân.
  • A ydych chi'n defnyddio cyfarpar/peiriannau? Os ydych, a oes gennych bolisi cynnal a chadw? Gall cyfarpar neu beiriannau sydd heb eu cynnal yn iawn achosi tân.
  • A ydych chi'n defnyddio neu'n storio cemegau neu ddeunyddiau peryglus eraill? A ydynt yn cael eu defnyddio a'u storio'n ddiogel? Gall deunydd o'r fath achosi tân.
  • A ydych chi'n storio neu ddefnyddio LPG? A yw'n cael ei ddefnyddio a'i storio'n ddiogel? Gall deunydd o'r fath achosi tân.
  • A yw eich systemau gwresogi a goleuo yn cael eu cynnal a'u cadw'n effeithlon a'u diogelu'n ddigonol? Os nad ydynt, mae risg y gallant achosi tân.
  • A oes gennych system o gynnal gwiriadau diogelwch ar ddiwedd diwrnod gwaith? Mae'r rhan fwyaf o danau mawr yn torri allan gyda'r nos ar ôl i bawb fynd adref, ond yn aml, yn ystod oriau gwaith y maent yn cael eu hachosi.

A yw eich staff wedi cael eu hyfforddi ynglŷn â beth i'w wneud mewn tân? A fyddwch chi'n cynnal ymarferion tân?
Mae tanau bwriadol yn fygythiad difrifol, ac mae pob adeilad mewn perygl. A ydych chi wedi asesu'r risg i'ch adeilad? Pa mor effeithiol yw eich diogelwch?

Mae'r ddeddfwriaeth ganlynol yn berthnasol i leoedd gwaith - rhaid i gyflogwyr wybod beth yw eu cyfrifoldebau dan y deddfau hyn. Cliciwch ar y cysylltiadau isod i gael rhagor o fanylion.

Gorchymyn Diwygio Rheoleiddio (Diogelwch Tân) 2005
Deddf Trwyddedu 2003
Deddfwriaeth arall

Er mwyn cael manylion am ein cyrsiau hyfforddi, neu am ragor o wybodaeth a chyngor, cysylltwch â'ch swyddfa ddiogelwch sirol leol.

Gallwch gael y llyfrau log yma:

Llyfr Log - Larymau

Llyfr Log - Ymarferiadau Tân

Llyfr Log - Tân

Llyfr Log - Offer diffodd tân

Llyfr Log - Diffygion

Llyfr Log - Ymweliadau

Llyfr Log - Pibelli